ATARIAk oso elkarrizketa interesgarria plazaratu berri du (2021-12-29) Plazaertxeberri eraikinaren inguruan daramagun proiektuaren hausnarketari buruzko hurbilketa deskribatuz.
Elkarrizketan azaltzen den bezala, Herrigunean dagoen Plazaetxeberri eraikina eskuratu ondoren, haren etorkizunaz erabakitzeko parte hartze prozesua abiatu zuen duela bi urte Zizurkilgo Udalak. Lehenengo bilera hartara gerturatutako herritar eta eragileen artean geunden Herribizigune elkarteko kideok ere. Guk hartu genuen prozesua dinamizatzeko ardura eta adostutako metodologia eta dinamikak jarraituz herritarren ekarpenak jaso ditugu 2019tik hona. Abendu hasieran aurkeztu zen azken txostena. Prozesu publiko, komunitario eta kooperatiboa izan dela azpimarratu dugu elkarteko kideok: gobernantza partekatua.