Publicado el

Elikadura sarea: sehilekoaren balantzea

Elikadura Sarearen aurtengo seihilekoaren balantzearen emaitzak esku artean ditugu, eta etorkizuneko erronkak amesten ere hasi gara.

Hemen klikatuz eskura dezakezun dokumentu hau sarea osatzen dugun guztiokin konpartitzea garrantzitsua iruditzen zaigu, guztiok ELKARREKIN herri, ingurune eta harreman osasuntsuagoak sustatzen ari garela kontziente izateko.

Irakur ezazue mesedez dokumentua, eta astelehen honetan, 17.30tatik 19:00etara, zuen iritziak, ekarpenak edo delakoak gustura elkarbanatuko ditugu.

Gainera sorprexatxo bat dugu astelehenerako!!!!

  • Argaia Goena baserrikoek «Xalamanka» txorixo dastaketara gonbidatu gaituzte.
  • Txukundu berri dugun gune berdean, zuhaitz ederrak ditugula konturatu gara. Aranak biltzeko punttu-punttuan daude eta nahi duenak aran xorta izango du opari. Gure lehen ekoizpena.

Astelehena arte.

Publicado el

Elikadura sarea: urteurrena

Zizurkilgo elikadura sarearen lehenengo urteurrena

Duela 12 hilabete elikadura sareari forma ematen hasi ginen. Hasieran gure lana guztiz esperimentala izan zen arren, gure akatsetatik ikasiz, poliki- poliki benetako sarea sortzen joan gara. Elikadura sarea ekonomia zirkularraren logikaren baitan oinarritzen da. Elikaduraren bitartez, eta praktikan erakutsiz, ikuspuntu sozialean zein ekologikoan ere hobeto kontsumitu daitekeenaren kontzientzia sortu nahi dugu. Gure txikitasunetik, kontsumo ohiturak aldatuz, Euskal Herria eraldatu nahi dugu.

Gure sarea hobetzeko asmoz zure iritzia jaso nahiko genuke. Horretarako galdetegi hau prestatu dugu. Eskertuko genizuke galdetegi honi minutu pare bat eskainiko bazenizkio.

Elikadura sarea guztion artean eraikitzen ari garelako, zatoz abenduaren 28an, arratsaldeko 18:00etatik aurrera, tragoxka batekin lagunduta, gaztain erreak jatera gonbidatzen zaitugu!

Anima zaitez elikadura sarearen lehenengo urteurrena gurekin ospatzera!

 

 

Publicado el

Errigora Zizurkilen

ERRIGORA 2020 (Negua)

Inoiz baino baldintza zailagoak izan ditugu eta inoizko emaitza onenak eman ditu aurtengo kanpainak. 302.000€ bildu ditugu euskalgintzarako.

Zati handiena eskatu diren 16.000tik gora saskien balioaren %25ari dagokio, eta Nafarroa hegoaldeko eta erdialdeko euskalgintzara bideratuko da. Gainontzekoa, saskiko 5 euro gehigarriei dagokiona, zuzenean Korrika-k, Seaskak eta Sortzenek jasoko dute.

Halako baldintzetan emaitza hauek lortu izanak azalpen ugari izan ditzake, baina garrantzitsuena herriz herri, auzoz auzo, ikastolaz ikastola, eskolaz eskola, lantegiz lantegi egindako lana da. Eta 2020ko kanpaina ez dugu gogoratuko inoizko baldintza zailenetan egindakoa izan delako; kanpaina hau guztion memorian iltzatuta geratuko da baldintza zail horietan Errigoraren sarekideek emandako erantzunak eragiten duen zirraragatik.

Zizurkil herriaren erantzuna ere tamainakoa izan da:  Zizurkilen ekarpena 2.815 €-koa izan da!

 

 

OHARRA:
SASKIEN BANAKETA ASTELEHEAN AZAROAREN 30ean PLAZAETXEBERRIKO BORDAN EGINGO DA!

(Elikadura sareak beste produktuak banatzen dituen ordu berean).

Publicado el

II. Pintxo-tertulia

II. Pintxo-tertulia urriaren 23an egin genuen

 

 

PlazaEtxeberri eraikinean zernolako proiektua gauzatu daitekeen hausnartzeko, partehartze prozesua dinamizatzeko erronka hartu genuen gure gain, udaleko partehartze batzordearen onespenarekin.

 

 

II.pintxo tertulia honetan, ametsetatik ideietara igarotzeko ariketa egin genuen bertaratu ginen herritarrok.

 

Abendualdean hirugarren topaketa bat egitea aurreikusten dugu, ideia konkretu horien ibilbidea zehazteko.
Publicado el

Elikadura-sarea

Abenduan beteko du urtebete Elikadura Sareak

Iazko abenduan eman genion hasiera Elikadura Sareari, astelehenero egiten dugun saskien sistemari. Gaur egun, 35 familik hartzen dugu parte bertan eta hainbat produktu eskeintzen dizkigute inguruko ekoizleek: barazkiak, fruta, esnekiak, eztiak, ardi-gaztak, behi-gaztak, kosmetika naturala, erleen produktu ezberdinak, edariak, ogi eta irinak, gozoak….

Publicado el

Martxan da haurren basoa

 

Hasiera eman diogu proiektu berri bati: Haurren basoa.

Tonucci pedagogoaren ideiak oinarrian hartuta, haurrek diseinatutako espazio ludiko bat, guraso eta herritarrek naturan eraikitzea du xede.

 

Haurrei protagonismoa emateaz gain, komunitatea indartzeko elkarren arteko lana sendotzea du helburu, baita erabat dinamikoa eta bizia izango den gune hezitzaile bat gauzatzea ere.

Udalarekin elkarlanean, ilusio haundiarekin heldu diogu guztiok ideiari.

Gehiago jakiteko…